Dźěło w pěstowarni
W našej pěstowarni witamy wšědnje 58 dźěći w starobje 3-6 lět. Našej "małej skupinje" přisłušeja 18 dźěći w starobje 3-4 lět. Do "srjedźneje skupiny" chodźa 18 dźěći w starobje 4-5 lět. A "Wulku prědšulska skupinu" wopyta 22 dźěći w starobje 5-7 lět.
Kóžda skupina so wot dweju pedagogisce wukubłaneju fachowčow nawjeduje. Tak so najlěpše wuwiće dźěsća zmóžnja. Zo bychu so zajimy a wuwiće dźěći jich starobje wotpowĕdnje wotkryli a spěchowali, so pedagogiske poskitki w jednotliwych skupinach přewjedu. Při přebywanju na čerstwym powětře a při wšelakich wosebitych přiležnosćach zetkaja so dźěći wšitkich starobnych skupin a so zhromadnje hrajkaja, spěwaja a kreatiwne zaběraja.
 |
 |
 |
 |
 |
Kóžda skupina wužiwa swójsku rumnosć za zhromadne aktiwity, kaž za jědźe, swobodnu hru, poskitki a připołdniši spar.
"Mała skupina" je pódla běrowa a kuchnje w přizemju zadomjena. "Srjedźnu skupinu" namakaće w 1. poschodźe. "Wulka prědšulska skupina" ma domicil w 2. poschodźe. Wšitkim dźěćom steji wulka zahroda k dispoziciji, hdźež móža so na wšelakore wašnje hrajkać.
6:00 - 7:45 | přijimanje a swobodna hra |
7:45
7:45 - 8:00 | rozdźĕlenje do jednotliwych skupinow rańše koło Wotpowědnje počasej abo temje so spěwy a rejki nawuknu. |
8:00 - 8:45 | snĕdań Dźiwamy na mĕrnu atmosferu při jĕdźi. Woda a čaj so k piću poskićatej. |
8:45 - 11:00 | poskitki, swobodna hra, projekt, přebywanje na čerstwym powětře Wotpowĕdnje zajimam dźĕći, kaž tež tuchwilnej tematice slĕdujo, přewjedu so najwšelakoriše pedagogiske poskitki. Nawuknjenje spĕwow a basnjow, kreatiwne tworjenje, zhromadne hudźenje, słuchanje a zasopowĕdanje stawiznow, sportowe poskitki a wjele wjac słušeja k tomu. Tohorunja smy na čerstwym powĕtře. |
11:00 - 11:30 | wobjed |
12:00 - 14:00 | wotpočink |
14:00 - 16:30 | popołdnjo swačina a swobodna hra nutřka abo wonka |
W poslednim pĕstowarskim lĕće so dźĕći na přechod z pĕstowarnje do šule přihotuja. W tutym času wobsteji mjez našim kubłanišćom a zakładnej šulu „Michał Hórnik“ wuski zwisk. Jako zakład słuži kooperaciske zrĕčenje mjez kubłanišćomaj, kotrež so kóždolĕtnje wudźĕła. W tutym je zhromadne dźĕło konkretnje wopisane. K zhromadnym zamĕram liča mjez druhim mjezsobne zeznajomnjenje institucijow, optimalny přihot dźĕći na šulu, postajenja k ćežišam a wobsahej posledneho pĕstowarskeho lĕta, tež šulskeho přihota. Přihot na šulu tak mjenowana předšula, so tydźensce wot kubłarki po saskim zdźĕłowym planje přewjedźe.
Zo bychmy dźĕći optimalnje na šulu přihotowali, spĕchujemy wosebje slĕdowace zamóžnosće:
- samostatnosć, na při.: při zdrašćenju, wjazanju sekle
- koncentracija a kedźbliwosć, na při.: při poskitkach wšelakeje dołhosće
- poćežujomnosć, na při.: při sportowych wužadanjach
- motoriske kompetency, na při.: při spĕchowanju koordinacije mjez wóčkom a ruku, při zwučowanjach drobneje a hrubeje motoriki
- rĕčne kompetency, na při.: při rĕčnych hrach, rozmołwnych kołach, při posłuchanju a zasopowĕdanju
- socialne kompetency, na při.: při samostatnym rozrisanju konfliktow
- orientacija, na při.: při zeznaću puća do šule a šulksich rumnosćow
- začuće zamołwitosće, na při.: prawidła a hranicy wobkedźować a dodźeržeć